100 + 90 år og Kongen sin fortenestemedalje i sølv!
Laurdag 10.september var det stor fest på Kyrkjelydshuset i Naustdal der Hanna og Inge Eiksund hadde invitert familie og vener for å markere 190 år.
Til stor overrasking for jubilantane, familien og dei fleste frammøtte, dukka ordføraren opp med helsing frå kongen. Hanna fekk helsing frå kongen som 100 åring, og Inge fekk helsing og medalje for lang og tru teneste i frivillig og samfunnsnyttig arbeid, mellom anna i NMS.
Det store er at både Hanna og Inge framleis er aktive i kvar si NMS foreining og har sine faste plassar på gudstenesta i Naustdal kyrkje.
Vi i NMS er glade og stolte over den æra som vart vist til Hanna og Inge, og kjenner på stor takksemd for deira innsats for vår misjon gjennom eit langt liv.
Dei har sanneleg lagt lista høgt for oss som kjem etter, men gode førebilete skal vi vere glade for å ha mellom oss.
