Laurdag 12.nov arrangerte Ørsta Kyrkjelyd Misjonsmesse på kulturhuset i Ørsta. Inntekta av messa gjekk til kyrkjelyden sitt misjonsprosjekt, Immanuellkyrkja sin dagheim i slummen i Bankok.
Messa vart arrangert for 20. gang, og ietterkant kan vi glede oss over fullsett hus og godt resultat. Folk kunne kjøpe lodd, tombola, årar, kaker, risengrynsgraut og betasuppe.
Det spesielle i år var at Eirik Stave (6) hadde laga si eiga avis, "Markanytt", som han selde til inntekt for misjonsprosjektet. Han kunne overrekke heile 2600 kroner. Prisen pr avis var "minst kr 30", dvs at folk kunne gi meir til eit godt prosjekt. Kjempeflott ide`.
Utanom "kjøp og sal" var det også ei samlingstund med glad barnesang av barnekora, andakt av Arne-prest, misjonsinfo ved Ottar Berge og Rolf Dyrhol.
